Raj Kaushik
ye maraz ishq ka bana kyuun hai
dard hi dard ki dava kyuun hai
us ka milna agar hai na-mumkin
us se hi ishq phir hua kyuun hai
pal-do-pal hi use nihara tha
umr-bhar ki miri saza kyuun hai
nazren sab par agar rakhe hai ḳhuda
sab ki nazron se vo chhupa kyuun hai
mere paas aag hi nahin hai jab
mere hathon men ik diya kyuun hai
vaqt rahte samajh nahin aata
jo mila hai hamen mila kyuun hai
ek had men tumhen jo rahna tha
mujh ko phir is tarah chhua kyuun hai
vaqt dena to tera dil badla
bas vo jazba mira bacha kyuun hai
Leave a Reply