Ye Maraz Ishq Ka Bana Kyun Hai

ye maraz ishq kā banā kyuuñ hai

dard hī dard kī davā kyuuñ hai

us kā milnā agar hai nā-mumkin

us se hī ishq phir huā kyuuñ hai

pal-do-pal hī use nihārā thā

umr-bhar kī mirī sazā kyuuñ hai

nazreñ sab par agar rakhe hai ḳhudā

sab kī nazroñ se vo chhupā kyuuñ hai

mere paas aag hī nahīñ hai jab

mere hāthoñ meñ ik diyā kyuuñ hai

vaqt rahte samajh nahīñ aatā

jo milā hai hameñ milā kyuuñ hai

ek had meñ tumheñ jo rahnā thā

mujh ko phir is tarah chhuā kyuuñ hai

vaqt denā to terā dil badlā

bas vo jazba mirā bachā kyuuñ hai

Leave a Comment