Poet
agar ye karke dikhlao to janen
riha.i ḳhud se jo paao to janen
zamane ko nasihat karne vaalo
kabhi ḳhud ko bhi samjhao to janen
ḳhushi ke hain bahut gahak jahan men
kisi ka dard apnao to janen
tumhen us paar jaane ka yaqin hai
sahara ye bhi Thukrao to janen
suna hai dost manzil-ashna ho
kisi ko raah par laao to janen
kashish hoti hai koi jazb-e-dil men
kabhi chupke se aa jaao to janen
jise pahli mohabbat ne kaha tha
kabhi vo baat doharao ja janen
Leave a Reply