Aqib Jawed
ye mere samne shisha laga diya kis ne
ye mujh ko aaj mujhi se mila diya kis ne
vo apne chehre ka DhunDhe hai daagh shishe men
hai daagh chand pe us ko bata diya kis ne
vo jis ke ashkon se puuri zamin giili hai
hava se puchho ghaTa ko rula diya kis ne
tha qaid dil ka parinda jo un ki ankhon men
nazar ye un se mila kar uḌa diya kis ne
main ek khoTa huun sikka parakhne vaalo gar
mujhe bazar men la kar chala diya kis ne
mariz-e-ishq huun didar meri hasrat hai
vo puchhte hain ke pagal bana diya kis ne
kisi ki roya na mayyat pe to kabhi ‘aqib’
ye yaad aa.i hai kis ki rula diya kis ne
Leave a Reply