Poet
khuun bahane ka bahana hai bhala mere baad
tiin din paan bhi khana na zara mere baad
fatiha padh ke vo rone jo laga mere baad
shor-e-mahshar mire madfan pe utha mere baad
dil-e-ahbab na madfan pe jala misl-e-charagh
phir gai aisi zamane ki hava mere baad
qabr ko takiya-e-aghosh bana kar baitha
mere qatil ka kahin dil na laga mere baad
karvan men pas-o-pesh ek hai manzil sab ki
ho gai rehlat-e-har-shah-o-gada mere baad
tukde hoga mere gham men sar-e-saghar saaqi
kaat dalegi surahi bhi gala mere baad
na raha bulbul o parvana ko ishq-e-gul-o-shama
naam ko bhi koi ashiq na raha mere baad
us sa mashuq jahan men koi mujh sa ashiq
‘arsh’ aage na hua tha na hua mere baad
Leave a Reply