Poet
aa.ina hai ye jahan is men jamal apna hai
surat-e-ghair kahan hai ye ḳhayal apna hai
bas ki hon hech-madan us pe main karta huun ghamanD
be-kamali men mujhe apni kamal apna hai
nala-o-ah hai ya girya-o-zari hai yahan
puchhte kya ho jo kuchh hijr men haal apna hai
talib ik bose ka huun dete ho kya saaf javab
kuchh bahut bhi nahin thoḌa hi saval apna hai
hai bura ya bhala jo kuchh ki hai tera hai ‘huzur’
is ke ta.iin ghar se mat apne tu nikal apna hai
Leave a Reply