jab se dilbar ne aankh phera hai
mujh ko dauran-e-sar ne ghera hai
kucha-e-zulf nit andhera hai
vahan siyah-bakht dil ka dera hai
vajd men hain divane abr ko dekh
laila-e-fasl-e-gul ka dera hai
yakka azad hai do aalam se
jo ki be-dam tera chira hai
gaal par hai kisi ke kaat ka naqsh
munh pe zulfen tabhi bikhera hai
nit bake hai ki baola ‘uzlat’
ye na bola kabhu ki mera hai
Leave a Reply