Marghoob Asar Fatmi
bas ek baar uThen samna hi kar Dalen
vabal-e-jan hai Dar ḳhatma hi kar Dalen
qubuliyat ko suna hai ki zid dua se hai
to kyuun na aisa karen bad-dua hi kar Dalen
khisakte lamhon se ye zindagi ne puchh liya
haqir ham hain ki tum faisla hi kar Dalen
nishat-o-kaif ke saman an-qarib kahan
ab iḳhtisar-e-saf-e-maddua hi kar Dalen
irada kar jo liya tark-e-ḳhud-kalami ka
to yad-e-mazi ka gham maktiba hi kar Dalen
‘asar’ zaban ko dushvariyan bhi hain lahiq
so ehtimam koi dusra hi kar Dalen
Leave a Reply