Khaqan Khavar
mohr ban kar jo main ik roz bhi ubhra hota
barf ki tarah hai jo shaḳhs vo dariya hota
tujh se dilkash hai kahin tere tasavvur ka jahan
tu mire paas bhi hota to main tanha hota
apne mahaul ko har phuul ne mahkaya hai
mujh ko hona tha kisi ka to main apna hota
puchhta kaun hai siipi men chhape moti ko
jo tire dil men tha honTon pe bhi aaya hota
kis ne rakkha hai mire sar pe kaḌi dhuup men haath
chhat jo hoti to mire ghar men bhi saaya hota
yuun guzarta na tire sar se ye paani ‘ḳhavar’
tu ne tufan ko uThte hi jo roka hota
Leave a Reply