ahmad-ata

Ye Mera Wahm To Kuchh Aur Suna Jata Hai

ye mira vahm to kuchh aur suna jaata hai

ik guman hai ki tira aks dikha jaata hai

ek tasvir dil-e-hijr-zada men hai tiri

ek tasvir koi aur bana jaata hai

teri minnat bhi miri jaan badi ki jaati hai

zer-e-lab ek vazifa bhi padha jaata hai

chand ne mujh pe kaman ek tani hoti hai

tiir lagta nahin kis or chala jaata hai

tu jo aata hai mahakta huun gulabon ki tarah

aur tira khvab jab aata hai rula jaata hai

janta huun na taalluq na zarurat hai tujhe

tujh ko ye kaun mire paas bitha jaata hai

ik javan us ki gali men jo gaya maara gaya

ye fasana hai magar kis se suna jaata hai

More Poems

Leave a Comment