is se baḌh kar ye muqaddar na sanvarna chahe
bas ye hasrat hai ki mujh par koi marna chahe
rasta rok liya karte hain badal us ka
chand jab bhi mire angan men utarna chahe
Thes lagti hai usi vaqt hamesha mujh ko
dil ke zaḳhmon men koi zaḳhm jo bharna chahe
hal-e-dil kaise suna.un main use ai yaaro
mere jazbat ki jo qadr na karna chahe
TuTte TuTte ab aaj miri ankhon men
ek hi ḳhvab magar vo bhi bikharna chahe
kaanp jaata hai musavvir ka qalam ai ‘tashna’
rang jab bhi miri tasvir men bharna chahe
Leave a Reply