Sufi
shaam bojhal si
ghane ped se angan men utar aai hai
dafn hone ko hai be-nam sa din
jis se riste hain lahu rang shafaq ke dhabbe
phailte jaate hain gahre badal
jaise ehsas-e-gunah
zard murjhai akeli qindil
nauha undelti sozish ki safir
jism divar pe sayon men bata
tuuti ummid ki giryan tasvir
aur ab raat ne karvat badli
gahre sannate ki khamosh karah
jaise phir zakhm ke tanke jaage
lamha lamha ke tapakne ki sada aati hai
Leave a Reply