Poet
buton ko fa.eda kya hai jo ham se jang karte hain
ḳhafa jo zindagi se huun unhen kyuun tang karte hain
idhar udhar se phir teri gali men dil le aata hai
taraf dair o haram ke jab kabhi ahang karte hain
kisi aur hi ke ghar ko kijiyo sayyad tu taz.in
ham apne ḳhuun hi se is qafas par rang karte hain
ba-tang aa kar ke aalam ne gareban chaak kar Daala
butan phir kis liye jaame ko apne tang karte hain
use to taab dam ki bhi nahin juun aa.ina ḳhuban
‘raza’ ki tarf se kyuun apne ji ko tang karte hain
Leave a Reply