Ameen Rahat Chugtai
main tiri dastaras se bahut duur tha
phir bhi nazdik aane pe majbur tha
aaj main hi saza-var-e-jaur-o-sitam
kal tiri maang ka main hi sindur tha
kaun aata hai yuun zer-e-dam in dinon
raat tarik thi ashiyan duur tha
kuchh ḳhulus-e-vafa par bhi nadim tha main
aur kuchh dil ke zaḳhmon se bhi chuur tha
aa.ina dekh kar yuun nadamat hui
main ki ‘rahat’ huun ab pahle mansur tha
Leave a Reply