Jhum Ke Saghar Kaun uThae Kis Ko paDi maiKHane Ki

Jumbish Khairabadi

jhuum ke saghar kaun uTha.e kis ko paḌi maiḳhane ki

saaqi ko bhi hosh nahin hai qismat hai paimane ki

gulshan gulshan yuun phirti hai chak-gareban phuul ki ḳhushbu

jaise saba ne phaila di ho baat kisi divane ki

divane-pan ki ghaTi men aql ka suraj Duub chala

shahr-e-taḳhayyul par chha.i hai shaam kisi virane ki

saare sahare chhuT chale hain sub.h ka taara Duub chala

phir bhi tamanna soch rahi hai baat kisi ke aane ki

zinda rah kar hi pahunchega pyaar ka naghma galiyon galiyon

baat adhuri rah jaati hai jal-bhun kar parvane ki

bedardon ke daur men hai ‘jumbish’ ḳhun-e-tamanna hone do

koi na koi aansu surḳhi de dega afsane ki