Poet
ishq ki itni baḌhin ra.ana.iyan
husn ko aane lagin angḌa.iyan
ek vo hain aur un ki anjuman
ek main huun aur miri tanha.iyan
yuun na dekho ariz-e-gul-rang ko
aa.ine men paḌ rahi hain jha.iyan
phir ubhar aa.i hain choTen ishq ki
phir mohabbat ki chalin purva.iyan
is tarah aati hai dil men un ki yaad
duur par jaise paḌin parchha.iyan
ibtida.i marhale vo ishq ke
haa.e ‘shankar’ vo miri rusva.iyan
Leave a Reply