mujhe aisa lutf ata kiya ki jo hijr tha na visal tha
mire mausamon ke mizaj-dan tujhe mera kitna khayal tha
kisi aur chehre ko dekh kar tiri shakl zehn men aa gai
tira naam le ke mila use mere hafize ka ye haal tha
kabhi mausamon ke sarab men kabhi bam-o-dar ke azaab men
vahan umr ham ne guzar di jahan saans lena muhal tha
kabhi tu ne ghaur nahin kiya ki ye log kaise ujad gae
koi ‘mir’ jaisa girafta-dil tere samne ki misal tha
tire baad koi nahin mila jo ye haal dekh ke puchhta
mujhe kis ki aag jala gai mire dil ko kis ka malal tha
kahin khun-e-dil se likha to tha tire sal-e-hijr ka saneha
vo adhuri diary kho gai vo na-jane kaun sa saal tha
Leave a Reply