Aziz Lakhnavi
ye mashvara baham uTThe hain chara-ju karte
ki ab mariz ko achchha tha qibla-ru karte
zaban ruk ga.i aḳhir sahar ke hote hii!
tamam raat kaTi dil se guftugu karte
savad-e-shahr-e-ḳhamoshan ka dekhiye manzar!
suna na ho jo ḳhamoshi ko guftugu karte
tamam ruuh ki lazzat isi pe thi mauquf
ki zindagi men kabhi tum se guftugu karte
javab hazrat-e-naseh ko ham bhi kuchh dete
jo guftugu ke tariqe se guftugu karte
pahunch ke hashr ke maidan men haul kyuun hai ‘aziz’
abhi to pahli hi manzil hai justuju karte
Leave a Reply