Khawer Eijaz
ye marhala hai mire azma.e jaane ka
mila hai hukm mujhe kashtiyan jalane ka
bahana DhunD rahe hain tamam ahl-e-sitam
fasil-e-shahr-e-vafa men naqab lagane ka
baḌe sukun se soi hai aaj ḳhilqat-e-shahr
mana ke jashn charaghon ki lau bujhane ka
hava-e-shahr hi jab ho ga.i ḳhilaf mire
use bhi aa gaya fan ungliyan uThane ka
mire vajud men zinda hai shaukat-e-mazi
main ik sutun huun guzre hue zamane ka
ruki hui hai lab-e-ḳhushk par hayat ki buund
phir us ke ba.ad to manzar hai Duub jaane ka
safar ki shaam miri zindagi ke mathe par
bas ik sitara tire nuur astane ka
Leave a Reply