poet

Khuda Hi Pahunche Fariyaadon Ko Humse Be-Nasibon Ke

khuda hi pahunche fariyadon ko ham se be-nasibon ke

hamare dil kabab aur tu piye pyale raqibon ke

khizan men barg-e-gul aur khar-o-khas nahin sehn-e-gulshan men

pade hain lakht-e-dil aur tuute naale andalibon ke

bahar aai divano sunte ho bulbul ki fariyaden

ye avaze hain fauj-e-mausam-e-gul ke naqibon ke

ilahi de nigah-e-lutf khush-chashmon ko ik pal bhi

ki ham bimar mar gae naaz uthate in tabibon ke

nagin ke tarz phir jaata hai nam-e-‘uzlat’ us lab par

asar men be-sukhan mere hain bargashta nasibon ke

More Poems

Leave a Comment