poet

Tujhe Kuchh Yaad Hai Pahla Wo Aalam Ishq-E-Pinhan Ka

tujhe kuchh yaad hai pahla vo aalam ishq-e-pinhan ka

shigaf-e-parda se kya tha ishara chashm-e-fattan ka

suna hai kab ye chhutti hai pakad gosha na daman ka

samajh kajal na phaila saaya hai teri hi mizhgan ka

yahan dam khinchna do dopahar mushkil hai ho jaata

dhuan ghatta hai jab siine men apni ah-e-sozan ka

na ki ghamza ne jalladi na un ankhon ne saffaki

jise kahte hain dil apna vahi qatil hua jaan ka

shigaf-e-sina se az-bas-ki dud-e-dil nikalta hai

siyah ab ja-ba-ja se rang hai apne gareban ka

ye dil hai qatra-e-khun se bhi kam allah ri jurat

hua hai tispe ru-kash us khadang andaz mizhgan ka

More Poems

Leave a Comment