Taimur Hasan
ye log karte hain mansub jo bayan tujh se
samajhte hain mujhe kar denge bad-guman tujh se
jahan jahan mujhe teri ana bachana thi
shikast khaa.i hai main ne vahan vahan tujh se
mire shajar mujhe baazu hila ke ruḳhsat kar
kahan milenge bhala mujh ko mehrban tujh se
ḳhuda kare ki ho ta.abir ḳhvab ki achchhi
mila huun raat main phulon ke darmiyan tujh se
juda.iyon ka sabab sirf ek tha ‘taimur’
tavaqquat ziyada thiin jan-e-jan tujh se
Leave a Reply