Riyasat Ali Taj
ye kya tumhare ji men sama.i tamam-rat
galon pe rakh ke so.e kala.i tamam-rat
aḳhtar-shumariyon men guzar hi gaya junun
maana ke mujh ko niind na aa.i tamam
dekhe jo chashm-e-zar ki sailab-ha-e-ḳhun
yaad aa.e dast-o-pa-e-hina.i tamam-rat
bistar ki ek ek shikan nok-e-ḳhar thi
karvaT badalte niind na aa.i tamam-rat
tasbih le ke haath men zahid ne sub.h ki
yaan ‘taj’ ham ne iid mana.i tamam-rat
Leave a Reply