ye kis maqam-e-tamanna se dil guzarne laga
hava hai jism men ik zahr sa utarne laga
ulajh raha hai tiri bu-e-pairahan se badan
ki phuul halqa-e-bazu ka kaam karne laga
hava-e-dard ne mohlat na di sambhalne ki
nuqush-e-yad sameTe to main bikharne laga
vo tha sitara-e-rangin ki mahtab ki qaash
hui jo shab to tire lab pe rang ubharne laga
hua kuchh is tarah insaf bhi rava ‘jamshed’
ki munsifon se dil-e-be-gunah Darne laga
Leave a Reply