mire nafs ki vadiyon men yahan se nikal chalne jaisi hava chal rahi hai
ufuq-ta-ufuq ik mahakta dhuan hai
sada zaiqe rang aur lams khushbu men tahlil hone lage hain
mah-o-sal-e-rafta shab-o-roz-e-ainda lamhe men tabdil hone lage hain
zaman ek sakta
makan ek nuqta
lakiren adad harf saare
nam-alud kaghaz ki tarkib men ghul rahe hain
qaba-e-badan sarsarati hai asrar-e-jan zer-e-band-e-qaba khul rahe hain
koi sarmadi lau si utthi hai jis se faza jal rahi hai
hava chal rahi hai
Leave a Reply