saaz bane un ashkon se jo bahte hain tanha.i men
sadiyon ki mahrumi ro ro gaati hai shahna.i men
jitne halke log the vo sab tair ga.e us paar hue
ek hamen the Duub ga.e jo apni hi gahra.i men
apna badan sota rahta hai bistar par lekin aksar
raat ga.e Tahla karta hai kaun mari angna.i men
dil hai kis ka jaan hai kisi ki aur kis ki hai ye nazar
kitna bikhra-pan pinhan hai ek mari yakja.i men
zulm ki shiddat ḳhud apni hi maut ka baa.is banti hai
jiit ki surat dekh rahe hain ham apni paspa.i men
Leave a Reply