Manzoor Hashmi
kuchh ḳhayal-e-dil-e-nashad to kar lena tha
vo nahin tha to use yaad to kar lena tha
kuchh uḌanon ke liye apne paron ko pahle
jumbish o jast se azad to kar lena tha
phir zara dekhte tasir kise kahte hain
dil ko bhi shamil-e-fariyad to kar lena tha
koi tamir ki surat bhi nikal hi aati
pahle is shahr ko barbad to kar lena tha
qais ke baad ghazalan ki tasalli ke liye
‘hashmi’ dasht ko abad to kar lena tha
Leave a Reply