Cba Fb A Dddba
ye khel bhul-bhulayyan men ham ne khela bhi
tiri talash bhi ki aur ḳhud ko DhunDa bhi
mira nasib thi hamvar raste ki thakan
mira harif pahaḌon pe chaḌh ke utra bhi
ye aarzu thi ki yak-rang ho ke ji leta
magar vo aankh jo shaitan bhi hai farishta bhi
samundaron se guhar kab ke ho ga.e napaid
bhanvar ke saath main gahra.iyon men utra bhi
barahnagi pe bhi guzra qaba-e-zar ka guman
libas par hua juzv-e-badan ka dhoka bhi
garajne vaale baraste nahin ye sunte the
guzishta raat vo garja bhi aur barsa bhi
Leave a Reply