Tariq Naeem
ye ḳhayal tha kabhi ḳhvab men tujhe dekhte
kabhi zindagi ki kitab men tujhe dekhte
mire maah tum to hijab hi men rahe magar
hamen taab thi tab-o-tab men tujhe dekhte
kabhi koi babat-e-husn ham se jo puchhta
to ham ahl-e-ishq javab men tujhe dekhte
kisi aur dhaj se banate tera mujassama
kabhi ham jo ain-shabab men tujhe dekhte
kabhi dekhte tujhe tirgi ke jamal men
kabhi raushni ke sarab men tujhe dekhte
Leave a Reply