Poet
un ke aate hi main ho jaata huun be-ḳhud itna
vo chale jaate hain pahlu se to hosh aata hai
ishq hai ishq koi khel tamasha to nahin
jiite ji dil se ḳhayal un ka kahan jaata hai
dar-o-divar ye kahte hue aate hain nazar
vo abhi aa.ega dekho vo chala aata hai
lala-o-gul hain chaman men ki khile jaate hain
ghuncha-e-dil hai mira ek ki murjhata hai
hai shab-e-mah men kyon vajd ka aalam mujh par
kaun ye saz-e-rag-e-jan pe ghazal gaata hai
kuchh ajab rang se dekha hai kisi ne ‘sa.ib’
rang ik chehre pe aaj aata hai ik jaata hai
Leave a Reply