inhi do se abad har ik ka ghar hai
kamana hai fan aur bachana hunar hai
ye baat aaj hi sochna hai zaruri
kise hai khabar aane vaale dinon ki
bure vaqt men kaam aenge aksar
rakhoge agar chaar paise bacha kar
bachat hi se mil-jul ke banti hai daulat
bachat hi se badhti hai mulkon ki taqat
ye faslen ye bazar ye kar-khane
bachat ne sanvare hain bigde zamane
zara ja ke ghar dekh lo chiyuntiyon ka
vo danon ka karti hain kaise zakhira
yunhi qatra qatra samundar banega
yunhi lamha lamha muqaddar banega
bachat ki jo bachpan se daloge aadat
bade ho ke paoge duniya men rahat
Leave a Reply