Ai Mere Dil Tu Bata Tujhko Gawara Kya Hai

ai mere dil tū batā tujh ko gavāra kyā hai

jo tirā dard hai so hai batā chāra kyā hai

apnī bābat kabhī pūchhā to batā.eñge use

Dūbne vāloñ ko tinke kā sahārā kyā hai

aur bhaTkeñge to kuchh aur nayā dekheñge

ham to āvāra parinde haiñ hamārā kyā hai

roz ik shaḳhs kī yādoñ kā janāza Dhoyā

umr ke naam pe ham ne bhī guzāra kyā hai

ek din hañste hue kahne lagī vo mujh se

saare ash.ār to mere haiñ tumhārā kyā hai

Leave a Comment