ye ḳhaki aag se ho kar yahan pe pahuncha hai
ḳhamir uTha tha jahan se vahan pe pahuncha hai
nigah-e-husn ne tartib ulTi kar Daali
ki tiir nikla nazar se kaman pe pahuncha hai
abhi talak jo fida-e-ba-nam-e-ishq raha
jo hosh aaya to sud-o-ziyan pe pahuncha hai
main zahiran to suḳhan se ba-ḳhub vaqif huun
darun ka aks agarche ziyan pe pahuncha hai
ḳhizan-e-hijr men gulshan men phuul khilne lage
gazand ye bhi dil-e-na-tavan pe pahuncha hai
Leave a Reply