poet

Kis Sher Mein Sana-E-Rukh-E-Mah-Jabin Nahin

kis sher men sana-e-rukh-e-mah-jabin nahin

hai asman-e-husn ghazal ki zamin nahin

kyunkar kahun ki tum sa koi naznin nahin

aajiz kuchh ai hasin mira husn-afrin nahin

ik ik sukhan pe karte hain sau sau nahin nahin

kya dusra jahan men tum sa hasin nahin

tujh sa jahan men ai yam-e-khubi hasin nahin

hai mauj-e-bahr-e-husn ye chin-e-jabin nahin

achchhi nahin hai roz ki ai naznin nahin

haan haan payam-e-vasl pe kijiye nahin nahin

kaabe men but-kade men na dil men na arsh par

ai but kahan nihan hai ki milta kahin nahin

jalva tira kahan nahin ai asman-e-husn

jis ja falak na ho koi aisi zamin nahin

tanhai-e-lahad se na ghabraen kis tarah

munis nahin shafiq nahin ham-nashin nahin

paiman-shikan jahan men na hoga huzur sa

ifa-e-vaada tum se agar ho yaqin nahin

kya ham-sari karega tiri mah-e-asman

abru nahin tiri si tiri si jabin nahin

maujud jism men hai par ankhon se hai nihan

tar-e-nigah hai kamar-e-naznin nahin

ro-ro ke hal-e-ishq jo kahta huun un se main

hans hans ke mujh se kahte hain ham ko yaqin nahin

kis din unhon ne sidhi tarah ham se baat ki

ulti hamare qatl pe kab astin nahin

vo dil udaas hai ki jo khali hai ishq se

viran hai vo makan ki jis men makin nahin

bosa talab kiya sar-e-mahfil jo yaar se

boli haya-e-ru-e-nigarin nahin nahin

mayus vasl se dil-e-gham-ghin hai kis qadar

har chand ham-kanar hain vo par yaqin nahin

ankhon men nuur dil men ziya siine men safa

jalva kahan kahan tira ai naznin nahin

More Poems

Leave a Comment