naumid kare dil ko na manzil ka pata de
ai rah-guzar-e-ishq tire kya hain irade
har raat guzarta hai koi dil ki gali se
oḌhe hue yadon ke pur-asrar libade
ban jaata huun sar-ta-ba-qadam dast-e-tamanna
Dhal jaate hain ashkon men magar shauq irade
us chashm-e-fusun-gar men nazar aati hai aksar
ik atish-e-ḳhamosh ki jo dil ko jala de
azurda-e-ulfat ko gham-e-zindagi jaise
tapte hue jangal men koi aag laga de
yadon ke mah-o-mehr tamannaon ke badal
kya kuchh na vo saughat sar-e-dasht-e-vafa de
yaad aati hai us husn ki yuun ‘ja.afari’ jaise
tanha.i ke gharon se koi ḳhud ko sada de
Leave a Reply