Chalne Mein Saya Ham-Qad-E-Jaanan Hai Dusra

chalne men saaya ham-qad-e-janan hai dusra

kya saaf misraa ek se chaspan hai dusra

bole vo apni shakl ko aap aaine men dekh

dariya ke paar aur gulistan hai dusra

beja nahin gar us ka falak par dimagh ho

yaaro zamin pe vo mah-e-taban hai dusra

‘maruf’ kis ka yaan se nikalne ko ji kare

dehli ajab jagah hai paristan hai dusra

Leave a Comment