baDh Raha Hun KHayal Se Aage

baḌh rahā huuñ ḳhayāl se aage

kuchh nahīñ maah o saal se aage

bas haqīqat hai jo nazar aayā

hai fasāna jamāl se aage

maiñ tire hijr meñ jo zinda huuñ

sochtā huuñ visāl se aage

is qadar bā-kamāl haiñ ye log

kuchh kareñge kamāl se aage

shauq sadme se ho gayā do-chār

baḌh na paayā dhamāl se aage

ye jo maazī kī baat karte haiñ

sochte hoñge haal se aage

Leave a Comment