Tum Ghair Se Milo Na Milo Main To Chhod Dun

tum ghair se milo na milo main to chhod duun

gar is vafa pe koi kahe bevafa mujhe

sach hai tu bad-guman hai samajhta hai kuchh ka kuchh

bosa na lena tha tire aine ka mujhe

insaf kar kharab na phirta main dar-ba-dar

milti jo tere gosha-e-khatir men ja mujhe

us but ki main dikhaunga tasvir vaizo

phir kya kahega davar-e-roz-e-jaza mujhe

kyuun un se vaqt-e-qatl kiya shikva ghair ka

karni thi maghfirat hi ki apni dua mujhe

puchhe jo tujh se koi ki ‘taskin’ se kyuun mila

kah diijo haal dekh ke rahm aa gaya mujhe

Leave a Comment