jaane kya hai jise dekho vahi dil-gir lage
shahr ka shahr hi ab mo’taqid-e-mir lage
sub.h ashufta-mizajon ki pareshan-e-suḳhani
raat ik mar-e-siyah jaise inan-gir lage
ab to jis aankh ko dekho vahi pathra.i hui
ab to jis chehre ko avaz do tasvir lage
jaane kis shahr-e-tilismat men aa nikla huun
apne qadmon ki sada halqa-e-zanjir lage
yahi maqdur-e-masafat hai ki ḳheme jal jaa.en
yahi maqsum-e-safar hai ki koi tiir lage
zindagi bhar jinhen jaan kah ke pukara gaya ‘shauq’
vahi siine se mire surat-e-shamshir lage
Leave a Reply