tere badan ki dhuup se mahrum kab hua
lekin ye isti.ara bhi manzum kab hua
vaqif kahan the raat ki sargoshiyon se ham
bistar ki silvaTon se bhi malum kab hua
shaḳh-e-badan se saare parinde to uḌ ga.e
sajda tire ḳhayal ka maqsum kab hua
sunsan jangalon men hai maujudgi ki lau
lekin vo ek rasta madum kab hua
nisbat mujhe kahan rahi asr-e-zaval se
mera vajud saltanat-e-rum kab hua
Leave a Reply