Anwar Sadeed
talash jis ko main karta phira ḳharabon men
mila vo shaḳhs mujhe raat mere ḳhvabon men
main us ko ghurfa-e-dil men bhala chhupa.un kya
jo lafz lafz hai bikhra hua kitabon men
dam-e-visal tiri aanch is tarah aa.i
ki jaise aag sulagne lage gulabon men
vo aankh jis se ghazal meri iktisab hui
vo aankh jagti rahti hai mere ḳhvabon men
mahak jo uThti hai ‘anvar-sadid’ us gul se
kahan vo taaza mahak kaghzi gulabon men
Leave a Reply