ye karobar-e-chaman is ne jab sambhala hai
faza men lala-o-gul ka lahu uchhala hai
hamen ḳhabar hai ki ham hain charag-e-aḳhir-e-shab
hamare ba.ad andhera nahin ujala hai
hujum-e-gul men chahakte hue saman-posho
zamin-e-sehn-e-chaman aaj bhi jvala hai
hamare ishq se dard-e-jahan ibarat hai
hamara ishq havas se buland-o-bala hai
suna hai aaj ke din zindagi shahid hui
isi ḳhushi men har ik samt dip-mala hai
zahir ham ko ye ahd-e-bahar raas nahin
har ek phuul ke siine par ek chhala hai
Leave a Reply