Hum KHuda the Na KHudai Apni

ham ḳhudā the na ḳhudā.ī apnī

kyā bayāñ karte baḌā.ī apnī

bas tirā dhyān mujhe aayā thā

phir kabhī yaad na aa.ī apnī

sab pahuñch meñ haiñ magar kyā kahiye

kis ke dil tak hai rasā.ī apnī

dil meñ laa.e tire ḳhvāboñ kā ḳhayāl

ham ne ḳhud niiñd uḌaa.ī apnī

tum ye kah do chalo ham haar ga.e

ḳhatm kī maiñ ne laḌā.ī apnī

kaun samjhegā ye aañsū haiñ guhar

kyoñ luTāte ho kamā.ī apnī

Leave a Comment