meri vahshat ka tire shahr men charcha hoga
ab mujhe dekh ke shayad tujhe dhoka hoga
saaf rasta hai chale aao su-e-dida-o-dil
aql ki raah se aaoge to phera hoga
kaun samjhega bhala husn-e-gurezan ki ada
mere iisa ne mira haal na puchha hoga
vaj.h-e-be-rangi-e-har-sham-o-sahar kya hogi
main ne shayad tujhe har rang men dekha hoga
ab kahin tu hi Dubove hamen ai mauj-e-sarab
varna phir shikva-e-payabi-e-dariya hoga
koi tadbir bata ai dil-e-azar-pasand
us ko ji-jan se bhulane men to arsa hoga
husn ki ḳhalvat-e-sada bhi hai sad-bazm-taraz
ishq mahfil men bhi hoga to akela hoga
jhuTpuTa chhaya hai kaun aaya hai darvaze par
dekhna ‘shaz’ koi sub.h ka bhula hoga
Leave a Reply