ham rah ga.e hamara ḳhalal kyuun nahin raha
mushkil ka ek hal tha vo hal kyuun nahin raha
muḌ muḌ ke dekhta huun vahin ka vahin ghubar
main chal raha huun rasta chal kyuun nahin raha
mauzua ko badalta huun safhe ulaTta huun
mazmun kya bata.un badal kyuun nahin raha
mere aur us ke beach shab-e-aḳhirin ka daagh
ik aḳhiri charagh hai jal kyuun nahin raha
main ne kaha ḳhuda se ḳhuda ne kaha mujhe
ghar se koi gali men nikal kyuun nahin raha
Leave a Reply