Wasi Shah
ye kab kaha tha nazaron se ḳhauf aata hai
mujhe to chand sitaron se ḳhauf aata hai
men dushmanon ke kisi vaar se nahin Darta
mujhe to apne hi yaron se ḳhauf aata hai
ḳhizan ka jabr to siine pe rok lete hain
hamen udaas baharon se ḳhauf aata hai
mile hain dosto baisakhiyon se gham itne
mire badan ko saharon se ḳhauf aata hai
main iltifat ki ḳhandaq se duur rahta huun
ta.alluqat ke gharon se ḳhauf aata hai
Leave a Reply