juun gul tu hanse hai khil-khila kar
shabnam ki tarah mujhe rula kar
mehman ho ya ki yaan tu aa kar
ya rakh mujhe apne haan bula kar
dar par tere ham ne ḳhaak chhani
naqd-e-dil ḳhaak men mila kar
manus na tha vo but kisu se
Tuk raam kiya ḳhuda ḳhuda kar
kin ne kaha aur se na mil tu
par ham se bhi kabhu mila kar
go ziist se hain ham aap bezar
itna pe na jaan se ḳhafa kar
kuchh be-asron ko bhi asar ho
itni to bhala ‘asar’ dua kar
Leave a Reply