Asifa Nishat
kya zaruri hai shaeri ki jaae
dil jala kar hi raushni ki jaae
baaz chehre bahut hasin sahi
phir bhi kitnon se dosti ki jaae
ik musalsal shikast ka ehsas
aisi khvahish na phir kabhi ki jaae
ye mohabbat ke jo taqaze hain
in taqazon men kuchh kami ki jaae
ab bhi kuchh log ye samajhte hain
zahr pi kar hi khud-kushi ki jaae
main ne ye faisla kiya hai ‘nashat’
faislon men bhi ab kami ki jaae
Leave a Reply