ye jo chehre se tumhen lagte hain bimar se ham
ḳhuub ro.e hain lipaT kar dar-o-divar se ham
yaar ki aankh men nafrat ne hamen maar diya
marne vaale the kahan yaar ki talvar se ham
ishq men hukm-uduli bhi hamen aati hai
Talne vaale to nahin hain tire inkar se ham
ranj har rang ke jholi men bhare hain ham ne
jab bhi guzre hain kisi dard ke bazar se ham
badshah sha.ir-majnun sabhi aate hain yahan
lag ke baiThe hain ‘vasi’-shah ke darbar se ham
Leave a Reply