sarwat-zehra

Hazar Tute Hue Zawiyon Mein Baithi Hun

hazar tuute hue zaviyon men baithi huun

khayal o khvab ki parchhaiyon men baithi huun

tumhari aas ki chadar se munh chhupae hue

pukarti hui rusvaiyon men baithi huun

har ek samt sadaen hain chup chatakhne ki

khala men chikhti tanhaiyon men baithi huun

nigah o dil men ugi dhuup ko bujhati hui

tumhare hijr ki ranaiyon men baithi huun

junun-e-vasl tamashe dikha gaya itne

main aap apne tamashaiyon men baithi huun

More Poems

Leave a Comment