Ahmad Ameer Pasha
vaqt se aage nikalna chahiye
ham ko ab paani pe chalna chahiye
is se aage zindagi asan hai
girne valon ko sambhalna chahiye
aankh dasht-e-arzu ho jaae to
khvab ko dariya men palna chahiye
aam ho kuchh to ye karb-e-agahi
zakhm se chashma ubalna chahiye
vo sambhal kar dekhta hai aaina
aaine ko bhi sambhalna chahiye
dhuup men ho barf-bari to ‘amir’
sang ko shisha ugalna chahiye
Leave a Reply